Ingurumen Baliabideen Etxea

Cristina Enea Ingurumen Baliabideen Zentroak iraunkortasun orokorraren aldeko norabide-aldaketa sustatu nahi du heziketaren eta sentsibilizazioaren udal eremutik, eta era horretan, jarduerak aldatu daitezela erraztuko duten oinarriak jarri hainbat gizarte-eremutan. Hala, bere heziketa-programak, baliabide didaktikoak eta sentsibili- zazio-ekintzak hiru ardatz garrantzitsuren inguruan antolatuko dira: hartzaile guztiak oro har, hartzaile profesionalak eta, azkenik, hartzaile ikasleak, etorkizunerako erronka gisa.

Ingurumen Baliabideen Etxean kokatzen da Cristina Eneako Dokumentazio Zentroa, non ingurumenarekin, jasangarritasunarekin edota mugikortasunarekin lotutako liburu eta argitalpenak kontsultatu eta maileguan har daitezken. Dokumentazio Zentroa Donostiako udal liburutegien sarearen baitan dago, eta bere funtsen bilaketa hemen egin daiteke.

Helbidea eta harremanak:
Mandasko Dukearen pasealekua, 66.
20012 Donostia-San Sebastián

T: 943 453 526
E: cristinaenea@donostia.eus

Cristina Eneako Ingurumen Baliabideen Etxeko ordutegia:
Astelehenetik ostiralera: 9:30-18:00*
Larunbata: 10:00-14:00 / 15:00-19:00
Igande eta jai-egunak: 10:00-14:00

(*) Ordubete gehiago ekainean, uztailean, abuztuan eta irailean.

Belaunaldi berriak ingurumenarekiko errespertuan hezitzeko tresnak eskaintzea da Cristina Enea Fundazioaren helburu nagusienetakoa. Hala, Cristina Eneako Ingurumen Baliabideen Etxea, garapen iraunkorraren esparruko hezkuntza eta prestakuntza estrategiak garatzeko bitarteko garrantzitsua da.

Aurreko ikasturteetan egindako lana, eta jarduera eta ekintzetan parte hartu duten ikasleek eta irakasleek eginiko ekarpenekin batera, 2023/2024 ikasturterako Hezkuntza Eskaintza berriagoa eta osoagoa sortu dugu.

Ikasmaila guztietara egokituak dauden tailer didaktikoak eta Cristina Eneako parketik eginiko ibilaldi gidatuak biltzen dira bertan. Guztiak, ikastetxeetan egiten den zeregin hezitzailearen osagarri gisa diseinatuak eta hezkuntza baliabide zehatzez hornituak.

Erreserbak egiteko: 943483500 (luz. 9719).

Cristina Eneako Ingurumen Baliabideen Etxeak eskaintzen dituen jarduerak honako dokumentuan ikusi daitezke:

Aurtengo ikasturte honetan, 2022/2023an, Eskolako Agenda 2030 berriarekin abiatu da. Aukeratutako Garapen Jasangarrirako Helburua 7. izan da, ENERGIA ESKURAGARRI ETA EZ-KUTSATZAILEA eta lelo bezala, “Energia, bizitzaren motorra”.

Ikasturtearen azken txanpa honetan, udalerri mailan egindako lanketa, Ikasleen arteko Foroetan partekatu dute ikasleek. Bi foro ospatu dira Cristina Enean, bata apirilaren 19an, bestea 26an. Bertan, Eskola Agenda 2030ean partaide diren ikastetxe guztietako eko-ordezkariak elkartu dira eta Udal ordezkariei egiteko eskaerak adostu dituzte, baita harturiko konpromisoak ere.

Maiatzaren 10ean Eskola Agenda 2030 programari amaiera emateko ekitaldia ospatu da, Udal Foroa. Bertan programako kide diren eskoletako ordezkariek ikasleen arteko foroetatik ateratako ondorioak aurkeztu zizkieten udal ordezkariei, harturiko konpromisoekin eta udalerriko egoera hobetzeko proposamen ezberdinekin batera.

Aurtengoa Agenda 2030 programa berria izanik, logoa berritzea ezinbestekoa izan da, eta ikasleen lanen artean eginiko lehiaketan arrakasta gehien izan zuena izan zen aukeratua, hemendik aurrera erabiliko den logoa bihurtuz.

Lana ez da oraindik amaitu ordea, bi urteko programa berrian esku-hartze plana diseinatzea dagokie ikastetxeei programaren bigarren urtean. Ikastetxeen parte hartzea indartuz, ikasleek hiria hobetzeko ekintzak pentsatu eta diseinatu beharko dituzte, proposamen zehatzak egin, antolatu eta martxan jarriz!

Hemen Urumea 2023

Bisita-programa honen helburua da, azken batean, Urumea ibaia hobeto ezagutzen eta gizarteratzen laguntzea.

Berriz Berri

Konponketaren eta bigarren eskuaren bidez produktuen bizitza baliagarria luzatzeko helburuarekin diseinaturiko mapa eta jarduera sorta.

Fitoarakatzen

Fitoarakatzen herritarren partaidetza proiektu bat da. Egitasmo honen bidez Donostiako aire kalitatearen inguruko diagnostikoa egitea bilatzen da, herritarren etxeetan kokaturiko gramineon azterketaren bidez.

Emakume eta Neska Zientzialarien Nazioarteko Eguna 2023

Otsailaren 11n Emakume eta Neska Zientzialarien Nazioarteko Eguna ospatzen da. Bideo-sorta baten bidez, beren ibilbide profesionala zientziari lotuta duten hainbat emakumeren errealitatea erakutsiko dugu.

Glosariak

Ingurumenarekin eta jasangarritasunarekin loturiko kontzeptuak azalduko dizkizugu, modu argi eta errazean, kafetxo bat hartzen egongo bagina bezala.

Egutegi Jasangarri

Aurten ere, Cristina Enea Fundazioak Iraunkortasunaren Egutegia argitaratu du. Gure etxeetako hormetatik eguneroko erritmoak markatzeaz gain, gizartea eraldatzeko mezua zabaldu nahi du egutegiak.

Solas Enea

Hainbat pertsonarekin ingurumen eta jasangarritasun gaiei buruz modu lasaian hitz egiteko topagunea, euskarri ezberdinetan: solasaldiak, elkarrizketak eta podkastak.

Fidantza

Gure jardueretan izena ematen duten pertsonen bertaratzea bermatzeko asmoz, Cristina Enea Fundazioak fidantza sistema bat jarri du abian. Fidantza hori jarduerara etortzen diren pertsonei itzuliko zaie, jarduera amaitutakoan.

Donostiako Berdea. Parke eta lorategien gidaliburua

Dokumentu honetan gure hiriko parke eta lorategiei buruzko informazio zehatza aurkituko duzu, bai eta horietako askotan zehar egin daitezkeen ibilbide gidatuak ere.

Baso bainuak

Baso-bainuak egiteko hiriko zenbait naturguneren egokitasuna probatzeko helburua duen ekimen-pilotua.

Cristina Eneataz gozatuz hilez hil

Landa-fitxa didaktiko eta interesgarri batzuen bidez, hilez hile Cristina Eneako parkeko faunan eta floran ematen diren aldaketen berri emango dizuegu.

Jarduera autogidatuak

Pandemia garai honetan, non mugikortasuna eta elkartzeko jende kopurua mugatuta dauden, zure kabuz, modu autonomo eta seguruan, egiteko jarduerak proposatzen dizkizugu.

Ibilbide audiogidatuak hirian zehar

Gehien gustatzen zaizun ibilbidea aukeratu, hautatutako puntuetako audioak entzun... eta gozatu hiriaz orain arte egin ez duzun bezala!

Eskolen txokoa

Cristina Enea Fundazioaren hezkuntza eta sentsibilizazio programak oro har herritarrei zuzenduta badaude ere, arreta berezia eskaini nahi diegu ikastetxeei bideratutako ekimenei.

Planeta Dantzan: Urtaroak

Artea eta Ingurumena uztartzen dituen ekimen honek arte-lanetan oinarrituta emozioetara zuzenean iristearen alde egiten du, eta ekintzara mugiaraziko gaituen erreakzioa eragiten saiatzen da.

Ulia ezagutu

Covid-19aren ondorioz izandako konfinamenduan zehar Ulia mendia, bere historia eta bertako ibilbideak zuen etxeetara gerturatzeko bideo sorta bat egin dugu. Gozatu mendiaz zure etxetik!

Jarduera fisikoa hiriko naturguneetan

Donostiako hiru kokaleku esanguratsutan ariketa fisikoa egiteko proposamen berria dauka Cristina Enea Fundazioak: Cristina Enean, Urgullen eta Ulian.

Elefanteak hirian

Harri eta zur utziko zaituen fauna harrigarri bat aurkitzera animatzen zaitugu: Donostian oreinak, lehoiak, fokak eta elefanteak daude.

FruitOndoan

Tokian tokiko fruta-arbolez osaturiko aurreneko gipuzkoar sare publikoa. Agroekologia ikuspegia izango du proiektuak, eta, jendarte osoaren eskura egongo da sarea, beti ere administrazio, ikastetxe eta erakunde sozialen laguntzaz.

KarbonEZtatu zaitez! Ez da gutxi eta...

Helburua da bizimodua "karboneztatuz" klima aldaketari aurre egin nahi dioten pertsonak antolatzea eta horiei laguntzea; hala, trantsizio ekologikoa izaten lagunduko da, karbono gutxi isurtzen duten gizarteetarantz eraldatzeko.

Libera

Bizikletaren erabilerari buruzko kexa eta iradokizunak

Bidegorri-sarearen erabiltzaile zara? Bizikletaren Behatokiari helarazi nahi diozun kexarik edo iradokizunik duzu? Hauxe da horretarako lekua.,

ONdakin

ONdakin proiektua Ecoembes, Sanmarkos Mankomunitatea eta Cristina Enea Fundazioaren ingurumen hezkuntzarako apustua da.

Nekazal kultura eskoletara

Egitasmoaren helburua da ikastetxe, landa garapen agentzia eta tokian tokiko eragileen artean elkarlana sustatuko duen topagune bat sortzea, nekazal eta landa-kulturaren inguruan, tailerren eta baserrietara bisiten bidez.

Zikloteka

Bizikleta bidezko mugikortasunean espezializatutako dokumentazio zentroa da Zikloteka. Online bilatzailea dauka, idatzizko euskarriak, grafikoak eta ikusentzunezkoak biltzen dituena.

Txoriak

Erabiltzen ez diren tabako makinak erabiliz kabi-kutxak bilakatzen ditugu, berrerabilpena, bioeraikuntza, hezkuntza eta biodibertsitatea bultzatzen dituen egitasmo honen bitartez.

Haziera

Haziera haziak eta beren inguruko jakinduria zabaltzeko eta partekatzeko lekua da. Eskala txikiko nekazaritzan eta biodibertsitatean interesaturiko pertsona eta erakundeentzako topagunea.

EtxEKOlanda

Eskura espazio gutxi eduki arren, hirietan gero eta gehiago dira bere barazki ekologikoak landu nahi dituzten pertsonak.

Eskolan konposta

Eskoletan burutzen den proiektu honek eguneroko ohituretan eragin nahi du hondakinen prebentzioa lantzeko, eskola arloan konposta bultzatzeaz gain.

Donostiako gune garrantzitsu batean kokatuta dagoen lorategi publikoa da Cristina Enea. Garrantzi handiko azpiegituren eta hirigintzarako eta kulturarako garapenen ardatza da: Loiolako Erriberak auzoa, tren geltoki berria, Kultura Garaikidearen Nazioarteko Tabakalera Zentroa, Atotxa, Justizia Jauregia, Musika Eskola, Zuhaiztiko igerilekuak eta Mandasko Dukearen jauregi berrituan dagoen Ingurumen Baliabideen Etxea.

Erdigune bete-betean dago: Loiolako Erriberak eta Amara auzoak Egia, Gros eta erdiguneko auzoekin lotzen ditu parkeak, Cristina Enea hirira irekitzeko Tabakalerako, Mundaizeko, Loiolako Erriberako eta Urumeako pasabideko oinezkoen pasabideei esker.

Parkea hiriari eman zitzaionean guztira 78.979 m2-ko hedadura zuen, eta horietatik 993 m2 eraikitako azalera (jauregia, kapera, sukaldeak, atezaindegia eta bi etxe gehiago) ziren. Parkeari erantsitako azken lur-saila, kapera eta sukalde zaharrak kokatuta zituen 734 m2-ko azalera txikia izan zen.

Gaur egun parkeak guztira 94.960 m2-ko azalera du, eta horien artean 16.660 m2 hartzen dute bideek, 1.300 m2 eraikin edo eraikin-hondarrek eta 780 m2 urmaelak.

Eskuratu lotura honetatik parkeari buruzko historia, fauna eta flora azaltzen dituen eskuorria, bai eta Cristina

CRISTINA ENEA PARKEKO PLANOA

CRISTINA ENEA: MANDASKO DUKE-DUKESAREN ONDAREA

Beti pentsatu izan da altxor bat Cristina Enea parkean ezkutatuta dagoela dioen elezaharra hori baino ez zela, gutxieneko sinesgarritasuna merezi duen oinarri sendorik gabeko elezahar hutsa. Hala ere, hainbat urtetako azterketen ondoren, Cristina Enea Fundazioko ikerketa-taldeak altxorraren egiazkotasunaren froga baliotsu bataurkitu du: Mandasko dukeak hil baino urte gutxi batzuk lehenago idatzitako dokumentu bat, Cristina Eneako altxor ezkutua aurkitu ahal izateko arrasto batzuk eskaintzen dituena.