Liburuaren egileak, Marc Badalek, Marta Barba Gassó ikerlariarekin batera, bi urte eman ditu Artxabaletako tomatea ikertzen Debagaraia bailaran zehar, kontakizun honetako protagonista direnekin esperientziak, zalantzak eta kezkak partekatuz.

Informazio gehiago

Cristina Enea Fundazioko Haziera hazi artxiboaren ekimenak, tomate-landareen banaketa egingo du datozen egunetan Gipuzkoako zenbait udalerritan. Banatuko diren barietateak izango dira Aretxabaletako tomatea, piko luze, Erandioko zapala, Aritza, Ubera, Loidi, Saint Michel eta Igeldo.

Informazio gehiago

Cristina Eneako Ingurumen Baliabideen Etxean Haziera egitasmoaren hazi-artxiboa dauka bere baitan 2013. urteaz geroztik. Ekimen horren helburua dahazien elkartrukea sustatzea, baina baita ezaguera eta jakitura agroekologikoena ere, artxibotik bertatik, eta urte osoan zehar landatutako bioaniztasunaren inguruan antolatzen diren jardueren bidez ere. Oraingoan, artxiboan aurkitu daitezkeen hazi guztien katalogoa argitaratu du Haziera egitasmoak.

Informazio gehiago

Jakoba Errekondori irakurri diogu Argia astekarian kafea oso ongarri ona dela lurrarentzat eta etxean hartutako kafearen hondarrak baratzean erabili ohi dituela, simaur pilara gehituz, besteak beste zizareen lana azkartzen baitu.

Informazio gehiago

Hazizaleak elkarteak hazien pribatizazioari buruzko txostena argitaratu du. Bertan azaltzen da nola nekazari-jardueren modernizazioak nekazarien legatua mespretxatu duen.

Informazio gehiago

Gipuzkoako Landa Garapen Agentziek, Eusko Jaurlaritzako Ingurugelak eta Cristina Enea Fundazioak bat egin, eta baserrietako kultura horren zaindari eta ikur diren haziak ardatz hartuz, landa ingurua eta nekazal kultura ikastetxe eta eskoletara gerturatzeko Nekazal kultura eskoletara proiektua jarri dute abian.

Informazio gehiago

Maiatzak 8tik 10era Donostian izango da Seed Journey egitasmoa, Oslotik Istanbulera itsasoz egiten duen bidean geldialdia eginez Flatbread Society-k gidatzen duen ontziak. Bertan haziei, arteari eta kulturari lotutako makina bat jarduera antolatu dira ontziko eskifaiarekin, Tabakaleraren eta Cristina Enea Fundazioaren eskutik.

Informazio gehiago

Haziera egitasmoak 4 urte bete ditu otsailean, eta denbora tarte horretan lau aldiz biderkatu du bere hazi artxiboak duen hazi kopurua, eta modu berean, azken urteetan gora egin dute egitasmoaren baitan antolatzen diren tailer, irteera eta hitzaldiek ere. Marc Badal da Haziera egitasmoko hazi artxiboaren arduraduna.

Informazio gehiago

Haziera hazien artxiboaren egitarauaren barruan, ostegun honetan 'Amama' filmaren emanaldia izango da (19:00etan Cristina Enean). Asier Altuna zuzendariaren lan honek hiriaren eta landa-gunearen arteko borroka islatzen du, landagunetik urrundutako bizitza modernoaren eta landagunera eta jakinduria tradizionaletara lotutako bizitza tradizionalaren arteko talka.

Informazio gehiago

EHKOlektiboak elikadura eta bizi modu hobe bati buruzko foroa antolatu du datorren urriaren 18an Bilboko La Bolsa eraikinean. Bertan izango da, besteak beste, Gustavo Duch albaitari eta idazle kataluniarra.

Informazio gehiago