Figuratiboaren eta abstraktuaren arteko dantza da Ángel Peris Cuesta artistak (Valentzia, 1993) Donostiako Ingurumen Baliabideen Etxera lehen aldiz ekarri duen proposamena. Atzera begirako erakusketa bat, non Perisek ekialdeko eta mendebaldeko paper, teknika eta tresna tradizionalen konbinazioekin esperimentatzen duen. Erakusketa ikusgai izango da Cristina Enea datorren abenduaren 12ra arte.

Informazio gehiago

Begi hutsez, gelaxka itxurako plastikozko bloke soilak dirudite, baina diseinu horren atzean ekonomia zirkularra eta berrerabilera prozesu oso bat dago. Donostiako SUDS enpresak ekoizten dituen drainatze-gelaxkak dira, aplikazio paregabeekin. Bere produktuak Zirkularrak erakusketan ikus daitezke, datorren irailaren 10era arte, Cristina Enean.

Informazio gehiago

2019az geroztik, Gipuzkoako gazte talde batek poliester-zuntzezko oihalak birziklatzen ditu, ordenagailuetarako zorroak, diru-zorroak, motxilak, poltsak edo koadernoak ekoizteko, besteak beste. Ekintzaile gazte hauek sortu zuten enpresak EKOMODO du izena, eta bere produktuak Zirkularrak erakusketan ikus daitezke, datorren irailaren 10era arte, Cristina Enean.

Informazio gehiago

Lehengai bihurtzen den hondakin bat, bizitza baliagarria luzatzen duena, ekonomia zirkularraren oinarria da. Eta, hain zuzen ere, ekodiseinua eta ekonomia zirkularra dira SINDESPERDICIO enpresa donostiarra definitzen duten ezaugarrietako bi. Enpresa horren izena, gainera, bere asmoen adierazpen bat da. Bere produktuak ZIRKULARRAK erakusketan ikus daitezke, irailaren 10era arte, Cristina Enean.

Informazio gehiago

Iragan ekainaren 22tik Cristina Enean Zirkularrak erakusketa dago ikusgai, IHOBE ingurumen kudeaketarako euskal erakundeak ekoitzia eta ekonomia zirkularraren eta ekodiseinuaren irizpideekin diseinatutako euskal enpresen 140 produktu baino gehiago biltzen dituena. Enpresa horietako bat Jolas da, Zarautzen kokatua, eta haur parke eta aisialdi espazio jasangarriak merkaturatzen ditu.

Informazio gehiago

Gaur, ekainaren 21a, hasiko da ofizialki uda gure hemisferioan. 16:58an hasiko da, eta Cristina Enea Fundazioan ekitaldiz betetako agenda prestatu dugu datozen hiru hilabeteetarako. Aire zabaleko zinema zikloek, tailerrek, txangoek eta hitzaldiek osatzen dute mota guztietako ikusleen gozagarri izango den proposamena.

Informazio gehiago

Bertako 200 zuhaitz eta zuhaixka baino gehiago landatuko ditu lehen aldiz igandean Donostiako Aiete auzoan, Haritzalde elkartearen laguntzarekin. Ekitaldiaren xedea: fundazioak 2021. urtean antolatutako erakusketen karbono-aztarnaren konpentsazioa gauzatzea, ‘Erronka garbia’ ziurtagiria jarraituta. Jarduera publikoa izango da, herritar guztiei irekia eta doakoa.

Informazio gehiago

Cristina Enea Fundazioak Zoonostia erakusketa inauguratu du gaur, Ceinpro Diseinuko Goi Mailako Zikloko ikasle eta irakasleekin lankidetzan. Erakusketa Cristina Eneako Ingurumen Baliabideen Etxean egongo da ikusgai datorren martxoaren 19ra arte, eta hiriko apaindura-piezetan (hala nola atarietan, iturrietan, eraikinen fatxadetan eta Donostiako hirigintzako gainerako elementuetan) dagoen biodibertsitatearen aberastasuna erakutsi nahi die herritarrei.

Informazio gehiago

Fernando Moleres argazkilariak ‘Urtzearen aztarna’ argazki erakusketa berria aurkeztu du Cristina Eneako Ingurumen Baliabideen Etxean. Argazkien eta bideo-instalazioen bidez, klima-aldaketaren ondorioz desagertu litezkeen eszena eta paisaia artiko eta antartikoak erakusten ditu. Egileak bisita gidatuak egingo ditu ostegun honetan, abenduaren 22an, komunikabideentzat (11:00etan) eta publiko orokorrarentzat (17:00etan).

Informazio gehiago

Ostegun honetan, irailaren 22a, Basurama kolektiboaren ‘Zaborra ez da existitzen’ erakusketa irekiko da Cristina Enean, kontsumoari eta hondakinen gizarteari buruz hausnartzeko gonbitea. Erakusketak bideo-instalazioak, ikusentzunezko materiala eta hondakin-materialekin eginiko jolaserako guneak eta instalazioak uztartzen ditu. Egileek erakusketara bisita gidatua egingo dute datorren larunbatean, irailak 24, eguerdiko 12:30ean, interesa duten guztiei zuzenduta. Ez da beharrezkoa aldez aurretik izena ematea.

Informazio gehiago