Datorren maiatzaren 19an, asteartea, Màrius Navazo Lafuente adituak egindako "Mugikortasun pertsonaleko ibilgailu berriak eta eguneroko txirrindularitzan eta espazio publikoaren erabileran duten inpaktua" azterlana aurkeztuko da, Ziklotekaren argitalpen teknikoen bildumaren barruan. Zikloteka Gipuzkoako Bizikletaren Dokumentazio Zentroa Donostian dago, Cristina Enea Fundazioak eta Gipuzkoako Foru Aldundiko Jasangarritasun Departamentuak bultzatuta. Azterketa jardunaldi tekniko batzuetan aurkeztuko da, eta izena emateko epea zabalik dago hemen.
Màrius Navazo Lafuente geografoak jarduera profesional zabala du lurralde-antolamenduaren eta hiri-plangintzaren inguruan, eta maiatzaren 19an Mugikortasun pertsonaleko ibilgailuak (MPI). Bere interakzioa mugikortasun aktiboko moduekin eta araudi berriaren ondorioak jardunaldi teknikoetan parte hartuko du, Cristina Eneako (Donostia) Ingurumen Baliabideen Etxean. 'Mugikortasun pertsonaleko ibilgailu berriak eta eguneroko txirrindularitzan eta espazio publikoaren erabileran duten inpaktua' azterlana aurkeztuko du Navazok, Ziklotekak, Gipuzkoako Bizikletaren Dokumentazio Zentroak, argitaratzen duen hirugarren argitalpena, alegia.
"Mugikortasun pertsonaleko ibilgailuak" kontzeptuaren barruan sartzen diren tramankulu berrien agerpenarekin, zabaldu egiten da hiri barruko desplazamendu moduen multzoa. Ingeniaritzan egindako aurrerapenek eta informazioaren teknologia berrien garapenak, beste faktore batzuekin batera, ibilgailu horiek azkar eta zabal ezartzea ekarri dute, eta horrek zuzenean eragiten die dauden gainerako garraiobideei eta, bereziki, bizikleta eta oinezkoen mugikortasunari. Gure hirietan gero eta presentzia handiagoa dute, hainbat jabetzaereduren pean, eta horrek erronka berriak eta premiazkoak dakarzkie herritarrei oro har, eta administrazio publikoei bereziki, eta, aldi berean, bidea ematen du hiri-mugikortasun iraunkorrago baterako bidean aurrera egiteko.
Navazoren esanetan, «patinete elektriko baten ingurumen-inpaktua auto batena baino askoz txikiagoa da». Hala ere, honako hau gaineratzen du: «Hiri eta eskualde desberdinetako datuek adierazten dute patineteak modu aktiboek estali ohi dituzten distantzia laburretan erabiltzen direla, ingurumen-inpakturik ez dutenetan, hala nola oinez joatea eta bizikleta; beraz, azpimarratu behar da patinete elektrikoek baztertzen dituzten garraioek baino ingurumen-inpaktu handiagoa dutela».
Azterlanaren aurkezpena, gainera, testuinguru izango da Ziklotekaren sustatzaile diren Gipuzkoako Foru Aldundiko Jasangarritasun Departamentuak eta Cristina Enea Fundazioak antolatutako jardunaldi teknikoetarako. Jardunaldi horiek mugikortasun iraunkorraren arloan lan egiten duten profesionalei, erakundeei, elkarteei eta pertsonei zuzenduta egongo dira, bai administrazio desberdinetako teknikariei, bai bizikleta bidezko mugikortasunari eta mugikortasun pertsonaleko ibilgailuen errealitateari buruzko interesa duten pertsonei. Informazio osoa atxikitutako dokumentuan eta izen-ematea hemen.
Jardunaldia datorren maiatzaren 19an, asteartea, egingo da Cristina Eneako Ingurumen Baliabideen Etxean (Donostia), 11:30etik 15:30era, eta azterlan hori aurkezteaz gain, profesionalek eta teknikariek mugikortasun pertsonaleko ibilgailuen arau-esparruari buruz eztabaidatu eta hausnartuko dute. Hala, Ramón Ledesma Muñiz (mugikortasunean aditua den aholkularia), Gorka Pradas (Mugikortasun Pertsonaleko Ibilgailuen Espainiako Federazioa), Sílvia Casorrán (RedBici Bizikletaren aldeko Hiri eta Lurraldeen Sarea) eta Josu Benaito (Oinezkoen Elkarteen Koordinakundea, Andando).
Ekitaldian, José Ignacio Asensio, Jasangarritasuneko Foru Diputatua, eta Iñigo García, Donostiako Udaleko Ingurumeneko zinegotzi ordezkaria, izango dira, jardunaldiari ongietorria eman eta ekitaldiari hasiera emateko.
Egileari buruz
Màrius Navazo Lafuente geografoa da eta bere jarduera profesionala lurraldearen antolamenduaren eta hiri-plangintzaren inguruan garatu da. Arlo pribatuan zein Kataluniako Generalitateko administrazioan lan egin du, eta hainbat plan sektorialetan (Pla d 'Infraestructures de Transport de Catalunya), lurralde-planetan eta mugikortasun-planetan parte hartu zuen.
