Izena Koldo Mitxelena hizkuntzalari handiari zor dion parke apain hau terraza-behatoki zabal ugariren modura dago egituratua, elkarren artean ongi zolatutako bideekin batuta. Berioko muinoa koroatuz Kontxako badia zaintzen duten mendien zein bere oinetan hedatzen den Antiguako hiri-bilbearen ikuspegi izugarriak ditu.

Belardien artean makal, sahats, magnolio eta aranondo japoniarren landatzean daude, nahiz eta elementu natural azpimarragarriena artadi kantauriar sendoen lerrokadura den, parketik hurbil, kale soil batzuetara baino ez dagoen Berioko artearekin ahaidetuak. Ia 25 metroko altuera eta 5 metrotik gorako perimetroko  enborra duen arte hori 1997an Euskal Autonomia Erkidegoko zuhaitz berezi deklaratu zen, eta zeharo urbanizatutako zona batean lekutzen bada ere, haren  inguruan biribilgune handi bat eraiki da, hura babesteko zeregin bakarrarekin.