2021eko irailak 24 - 2021eko abenduak 12

Erakusketa hau 2020/2021 ikasturtean Donostiako Udaleko Ingurumen Osasun eta Iraunkortasun Sailaren bitartez abiatu zen ekimen baten emaitza da. Ceinproko ikasleei aukera eman zitzaien hirian plastikozko hondakinek sortzen duten arazoaz herritarrak kontzientziatzeko marka bat garatzeko. "Zero plastik" kanpainak erabilera bakarreko ontzien edo poltsen kontsumoa murriztu nahi du. Estrategia horrek NBEk definitutako garapen jasangarriko helburuak (GIH) lortzen laguntzen du.

Diseinu-ikastaroko goi-mailako zikloko ikasleek plastikoaren erabilera arduratsuaz jabetzeko sentsibilizazio-proiektu batean parte hartu dute, eta erakusketa honek gure ikasleek klima-aldaketari eta horren ondorioei buruz dituzten gogoetak, salaketak eta ideiak bisualki jasotzen ditu.