Oviedoko Unibertsitateko–CSIC–Asturiasko Printzerriko Biodibertsitatearen Ikerketa Institutu Mistoko Alicia Valdés ikertzaileak gidatutako nazioarteko talde batek frogatu du landareak uste baino askoz azkarrago eta eskala askoz txikiagoan molda daitezkeela ingurumen-aldaketetara. Horixe ondorioztatu du Islandiako Hengill eremu geotermalean bi urtez egindako ikerketa batek, klima-aldaketarekin lotutako lurzoruaren berotzeari landareek nola erantzuten dioten aztertzeko.

Egokitzapen azkarragoa

New Phytologist aldizkari zientifikoan argitaratutako ikerketaren arabera, ohiko landare belarkara batek lurzoruaren tenperaturaren arabera eboluzionatzeko eta espezializatzeko gaitasuna du, 10 eta 20 metro arteko distantzia laburretan. Aurkikuntzak erakusten du landareen eboluzio-erantzunak orain arte uste zena baino askoz eskala espazial txikiagoan gerta daitezkeela.

Ikerketa Hengill eremu geotermalean egin da, Islandian. Bertan, Lurraren barneko beroak lurzoruaren tenperaturan 20 gradurainoko aldeak sortzen ditu oso eremu txikietan. Ezaugarri horri esker, ingurunea laborategi natural bikaina da berotzeak landare-espezieetan dituen ondorioak aztertzeko eta ingurumen-baldintza kontrastatuei nola erantzuten dieten behatzeko. 

Informazio gehiago