Datu-zentroek energia kantitate handiak behar dituzte zerbitzariak elikatzeko eta gure webguneak, aplikazioak eta adimen artifizial sortzaileko (AA) ereduak martxan mantentzen dituen informazioa prozesatzeko.

Estatu Batuak dira munduan datu-zentro gehien dituen herrialdea, eta energia-eskaeraren hazkundeak transmisio-sare elektrikoak gainkargatzen ari da, elektrizitatearen prezioa garestitzeaz gain. Horri aurre egiteko, sarearen operadoreak erregai fosil kutsatzaileetara jotzen ari dira energia azkar hornitzeko.

Reuters agentziaren azken azterketa baten arabera, herrialdeko sare elektrikorik handienak 2025ean aurreikusita zegoen erregai fosileko zentralen %60ren itxiera atzeratu edo bertan behera utzi zuen. PJM Interconnection erakundeak kudeatzen duen sareak ekialdeko 13 estatu hartzen ditu, tartean Virginia, «munduko datu-zentroen hiriburua» deitua. Itxi behar ziren zentraletako 11 puntako zentralak ziren, hau da, elektrizitate-eskaera handieneko uneetan bakarrik martxan jartzen direnak.

Informazio gehiago