Mineralak erauzteko aztarnategiak kontrolatzea da bizi dugun une geopolitikoaren indar eragileetako bat. Ondorioz, metalen benetako ekonomia zirkularra ezartzea lehentasunezko ardatza da. Birziklatzean propietate fisiko-kimikoak bere horretan mantentzen dituzten materialak dira, eta txatarra sortu den produktu-mota bera fabrikatzeko erabil daitezke.

Aluminiozko lata soil bat birziklatzeko keinua
Material mota horren adibide bat aluminioa da. Aluminio primarioa lortzeko (lehengai birjinetatik abiatuta), hiru etapa handi behar dira:

1.- Bauxita harriaren erauzketa, aire zabaleko meatzaritzaren bidez, eskualde tropikaletan.

2.- Bayer prozesuaren bidez alumina (aluminio oxidoa) lortzea. Prozesu hori bauxita sodarekin tenperatura altuan egostean oinarritzen da.

3.- Oinarrizko aluminioa eta oxidoa bereiztea, kreolita urtua duten upel elektrolitikoen bidez.

Informazio gehiago