Eusko Jaurlaritzako Industria, Trantsizio Energetiko eta Jasangarritasun Sailak antolatuta, hiru jardunaldi egingo dira EAEko hiru hiruburuetan Trantsizio Energetikoari eta Klima Aldaketari buruzko Itun Sozialaren inguruan. Donostian abenduaren 9an izango da, Kursaal jauregian, 10:00ak eta 12:30 artean, eta ezinbestekoa da aldez aurretik izena ematea hemen.

Gaur egun, klima-aldaketari buruzko negazionismoa areagotzen ari denean eta azpiegitura berriztagarri berriekiko oposizio soziala indarrean dagoenan, inoiz baino garrantzitsuagoa da herritarrak entzutea.

Klima-aldaketa gure garaiko erronka handienetako bat da, eta, horregatik, politika publikoak indartzeko unea da. Trantsizio energetiko eta klimatikoan elkarrekin aurrera egiten lagunduko digun marko komun bat behar dugu. Eusko Jaurlaritza, Industria, Trantsizio Energetiko eta Jasangarritasun Sailaren bitartez, urrats sendoak egiten ari da norabide horretan, Trantsizio Energetikoaren eta Klima Aldaketaren 1/2024 Legeak ezartzen duenaren ildotik.

Lege honen oinarrietako bat Trantsizio Energetikoari eta Klima Aldaketari buruzko Itun Soziala da, guztion artean eraiki nahi dugun akordio estrategikoa: erakundeak, enpresak, gizarte-ehuna eta herritarrak. Klima-erronkaren eta beharrezko trantsizio energetikoaren aurrean hartu beharreko beharrezko akordioa, 1/2024 Legeak ezartzen dituen helburuak eta lege horretan aurreikusten diren plangintza-tresnak garatzen lagundu ahal izateko.

Horregatik, trantsizio energetikoaren eta klima aldaketaren inguruan hausnartzeko eta sentsibilizatzeko prozesu bat jarri du abian, modu jasangarrian eta koherentean lantzeko. Hausnarketa horren helburu nagusia da ulertzea zer behar eta erronka nagusiri egin behar diegun aurre gizarte gisa deskarbonizazioari heltzeko eta 2050era arte zero isuri garbiak lortzeko.

Helburu horrekin, abenduan aurrez-aurreko tailer batzuk antolatuko dira hiru Lurralde Historikoetan. Zuen parte-hartzea aktiboa izatea gustatuko litzaiguke, ezinbestekotzat jotzen baitugu guztion artean Euskadirentzat etorkizun jasangarriagoa eta erresilienteagoa eraikitzeko.

• Abenduak 9: Kursaal jauregia, Donostia, 10:00-12:30.
• Abenduak 11: Artium, Gasteiz, 10:00-12:30.
• Abenduak 12: Bizkaia aretoa, Bilbo, 10:00-12:30.
• Abenduak 16: online, 10:00-12:30.

Saioetan parte hartzeko aldez aurretik izena eman beharra dago hemen.