Beti da atsegina ibai ondotik paseatzea, eraikin dotorez apaindutako eremu lau eta erosoa da eta normalean haize leunak jotzen du. Ziurrenik, Urumea ibaiaren ertza ohiko ibilbidea izango da donostiar askorentzat.
Orain arte zure begien aurrean oharkabean pasatu diren xehetasun eta bitxikeriak deskubrituz egitea proposatzen dizugu oraingoan. Gure hirian bizi diren animalia eta landareak, batzuk irudizkoak, bizigabeak edo bizirik dirautenak. Bisita honen ondoren, gure ibilaldietan lagun ditugun altxor txikiak pixka bat hurbilagoak eta estimatuagoak izatea espero dugu.
