Otsailaren 11n Emakume eta Neska Zientzialarien Nazioarteko Eguna ospatzen da. Bideo-sorta baten bidez, beren ibilbide profesionala zientziari lotuta duten hainbat emakumeren errealitatea erakutsiko dugu.

Maitek beti izan ditu gustuko ingurumena eta itsasoa.Bai bere ikasketetan, bai eta bere ibilbide profesionalean bere zaletasun horiek gertu izaten saiatu da. Itsas-zientziak ikasi zituen eta orain mundu osoko itsasoetan lan egin du kanpaina zientifikoetan.

Leire Lopeteguik biologia ikasi zuen. Hegaluzea arrantzatzerakoan nahi gabe harrapatzen diren marrazoei buruz ari da egiten doktoretza.