Berriak
Gaurkoan Ulian (eta Uliari buruz) egin ditugun hiru bideoetako azkena dakarkizuegu, bertako bidexketan zehar ibilbidetxo bat egiteko proposamenarekin. Ulia Interpretazio Zentroko arduradun Oihana Orkolagak GR121 bidexka, edo Talaia bidea, ezagutzeko gonbita egin digu. Itsasoak eta mendiak bat egiten duten leku berezi honetako altxor eta leku ezkutu ugari ezagutuko ditugu. Bazatoz?

Informazio gehiago

Iragan apirilean, konfinamendu garaian, ezezagun batzuek Cristina Eneako Ingurumen Baliabideen Etxearen sarrera behartu zuten, eta Mandasko dukearen koadro bat eta bere bilduma pertsonaleko zenbait liburu lapurtu zituzten, Mandasko dukesa Cristina Brunnetiren erretratu bat kaltetuz. Orain, zaharberritze-adituak ari dira koadroa konpontzen.

Informazio gehiago

Uliako txoko eta leku esanguratsuenak ezagutarazteko abian jarritako bideo-sortaren bigarren bideoa aurkeztu du gaur Cristina Enea Fundazioak. Bertan, XX. mende hasieran Ulian egin ziren bi garraiobide bereziak aurkeztu dizkigu Ulia Interpretazio Zentroko arduradun Oihana Orkolagak: tranbia elektrikoa eta aire-transbordadorea.

Informazio gehiago

Aurreko bi asteetan Cristina Enea parkean eta Urgull mendian egiteko ariketa fisikoak aurkeztu dizkizuegu, Ariketa fisikoa naturguneetan ekimenaren baitan. Gaurkoan hirugarren eta azken proposamena dakarkizuegu: ariketa fisikoa Ulia mendian. 6 puntutatik eginiko ibilbide bati esker, Ulia mendia hobeto ezagutzeaz gain, bakoitzaren egoera fisikoari egokitutako ariketa fisikoak egiteko aukera izango duzue.

Informazio gehiago

"Zein animalia ikus ditzakezu hiriko ohiko ibilaldi batean?" galderari donostiar gehienek erantzun liezaiokete txakurrak, katuak, usoak edota kaioak, baita paumak, ahateak edo beltxargak, Cristina Enea parkean sartzen badira. Hala ere, Cristina Enea Fundaziotik harri eta zur utziko zaituen fauna harrigarri bat aurkitzera animatzen zaituztegu: Donostian oreinak, lehoiak, fokak eta elefanteak daude.

Informazio gehiago

Aurreko astean ezagutzera eman genuen Donostiako naturguneetan ariketa fisikoa egiteko ekimena, eta lehenengo proposamena Cristina Enea parkea izan zen. Gaurkoan Urgull mendira joango gara bertako txoko eta leku esanguratsunetan jarduera fisikoa egitera, naturaz gozatzen dugun bitartean. Zatozte gurekin!

Informazio gehiago

Cristina Enea Fundazioak fitxa batzuk aurkezten ditu, eta fitxa horiekin esploratzaile bihurtu ahal izango gara, inguratzen gaituen guztiari erreparatuz eta gure ingurune hurbiletik ikasiz.

Informazio gehiago

Donostiako hiru kokaleku esanguratsutan ariketa fisikoa egiteko proposamen berria dauka Cristina Enea Fundazioak; ekimenaren bidez, kirola egiteaz gain, Cristina Enea parkea, Ulia mendia eta Urgull hobeto ezagutzeko aukera izango dute herritarrek.

Informazio gehiago

Gaur ostirala, ekainaren 5a, Ingurumenaren Mundu Eguna ospatzen da. Data garrantzitsu hau aprobetxatu nahi dugu berrikuntza garrantzitsu bat helarazteko: covid-19aren krisiaren ondorioz ia hiru hilabetez itxita egon ondoren, astelehenean berriz irekiko dituzte ateak Cristina Eneako Ingurumen Baliabideen Etxeak eta Ulia Interpretazio Zentroak. Zuen zain izango gara!

Informazio gehiago

Ia hiru hilez itxita egon ondoren, Cristina Eneako Dokumentazio Zentroak bere ateak berriz irekiko ditu datorren astelehenean, ekainaren 8an. Nolanahi ere, covid-19aren krisiak eraginda, muga batzuekin.

Informazio gehiago