Berriak
Gabriel Biurrun eta Alberto Castro adituen eskutik animalia horien ezaugarri nagusiak eta bizimodua ezagutuko ditugu larunbat honetan, maiatzak 19 (10:00, Cristina Enea), deskribapenen, istorioen eta Cristina Eneako parkean bertan egingo dugun behaketaren bitartez. Zenbait ekosistemen oreka lortzeko ezinbestekoak diren animalia hauek askori eragiten dieten beldurrei aurre egiteko jarduera interesgarria.

Informazio gehiago

Carlos Arrola (Bilbo, 1982) surflari eta artistak 'Itsabehera' erakusketa berria aurkeztuko du Cristina Eneako Ingurumen Baliabideen Etxean datorren maiatzaren 10ean (inaugurazioa 19:00etan), itsasotik gure kostaldera iristen den hondakin kopuru handiaren, plastikoa nagusiki, arazoari erreparatu nahi dion egitasmoa. Itsas-zaborrari buruzko hausnarketa hau Cesare Maglioni zuzendariaren 'Hondar 2050. Gure hondakina, gure arazoa' dokumentalaren jarduera osagarria da.

Informazio gehiago

Iñaki Mezkita Aranzadio Zientzia Elkarteko kide eta odonatoetan aditu da. Iragan martxoak 29tik intsektu horiei eskainitako erakusketako du ikusgai Ulia Interpretazio Zentroan eta maiatzean irteera bat gidatuko du animalia horiek eta beren bizilekuak hobeto ezagutzeko, leku askotan arriskuan baitaude.

Informazio gehiago

Aldi berean artelanak eta ingeniaritza lanak diren armiarma-sareei buruzko 'AMARAUNA' erakusketa aurkeztuko du otsailak 22an, osteguna, Santos Bregaña artistak. Erakusketak 16 amaraun ezberdin jasotzen ditu, batzuk armiarma ezagunek eta arruntek eginak, besteak anonimoak. Sakontasun maila ugari dituen erakusketa, non bisitariak 'behatua' ere sentituko duen bere burua, beren amaraunek naturan garrantzia handia izan arren filia bezain beste fobia eragiten dituzten izaki hauek adi izango baititu.

Informazio gehiago

Mario Sánchez-Herrero Clemente eta Enrique Monasterio dira asteazkenean 'Los retos para una transición energética en Euskadi. Afrontando el Cambio Climático' izenburuarekin San Telmo Museoan izango den hitzaldiko hizlarietako bi. Erregai fosilekiko mendekotasun txikiagoa izango duen eredu baterantz trantsizioa egiteko garaian izango ditugun erronka, zailtasun eta soluzioei buruz galderatxo batzuk erantzun dizkigute.

Informazio gehiago

Gizakirik finkatu ez den leku bakanetakoa da Antartika. Bertako populazio baten gabezia horrek ezaugarri eta xehetasun jakin batzuk ematen dizkio ingurune horri, Teresa Jareño artistarentzat ikustezin ez direnak. Cristina Eneako Ingurumen Baliabiden Etxean otsailaren 4 arte ikusgai dagoen erakusketan, Antartika bezalako ingurune basati eta babesgabe batean ezarritako balizko kultura eta musika nolakoak liratekeen ikertu du artista gazteak, hausnarketa sakona eginez.

Informazio gehiago

Ingurumenean kontzientzia duten norbanako eta profesionalak biltzen ditu urtero Durangon ospatzen den Berdeago Azokak, eta seigarren edizio honetan 20.000 bisitari inguru erakartzea espero du. Azokaren jarduera paralelo gisa, arduradunek tailer eta solasaldi sorta bat antolatu dute, begirada beti bezala ingurumenean ezarriz. Jarduera horietako bat izango da datorren larunbatean, urtarrilak 13, Cristina Enean izango den Ekomerkatua, moda jasangarriari lotua.

Informazio gehiago

Abenduaren 20an , asteazkena (19:00, San Telmo Museoa), Ignasi Puig-ek hitzaldi interesgarria eskainiko du guztion konpromisoa den hondakinen udal-kudeaketari buruz. Puig Ingurumen Zientzietan doktore da, bai eta aditu ere udal-hondakinen kudeaketa prebentiboan eta ingurumen politika ekonomikoetan, hondakinen, klima-aldaketaren, energiaren kudeaketaren edota natur-ondarearearen kontserbazioaren esparruetan aplikatua.

Informazio gehiago

Larunbatean, azaroak 18, SEO/BirdLife-ko Asturiaseko ordezkari eta Mehatxatutako Espezieen Kontserbaziorako Programaren arduradun Nicolás López-Jiménezek hitzaldi interesgarria eskainiko du iberiar penintsulako saiei, beren mehatxuei eta kontserbazioari buruz (11:00etan Cristina Eneako Ingurumen Baliabideen Etxean).

Informazio gehiago

'Nekazal Kultura Eskoletara' egitasmoak gizarte eredu justu eta jasangarriago baterako ezinbestekoak diren tokian tokiko nekazal ekoizpen eta elikadura sistema baten garrantzia ikusarazi eta aintzat hartuko duen sare bat sortzea du helburu. Proiektu horren testuinguruan ikastetxeetako agroekologiari buruzko jardunaldi bat izango da Cristina Enea datorren astelehenean azaroak 6. Bertan, hitzaldi-markoa eskainiko du Sant Cugat del Vallèseko teknikari Germán Llerenak, udalerri horretan ikastetxeko agroekologiarekin izandako esperientzia aurkeztuz.

Informazio gehiago