Berriak

2018/4/13 Eskola Agenda 21HaurrakIngurumen ipuin lehiaketa

Ingurumen-Ipuin Lehiaketaren epea luzatu da

Cristina Eneako ingurumen-ipuin lehiaketak bere hamargarren edizioa beteko du 2017/2018 ikasturte honetan, lehen eta bigarren hezkuntzako ikaslegoari bioaniztasunaren gaia proposatuz. Ipuinek 2 eta 4 orri arteko luzeera izan behar dute eta lanak aurkezteko epea maiatzaren 6an amaituko da, igandea, berezko epea hilabete luzatuz. Lehiaketa lehen hezkuntzako 3, 4, 5 eta 6. mailako eta bigarren hezkuntzako ikasleei dago zuzenduta eta ipuinak euskaraz nahiz gazteleraz idatzita egon daitezke.

Lehiaketak Garbera Merkatalgunearen, Elka-en, Elhuyar-en eta Super Amararen babesa dauka, eta azken horren saltokietan ipuin-kontalari saioak egingo dira aurkeztutako lan onenekin, azken urteetan ohikoa den bezala. Gainera, lau irabazleak (maila bakoitzetik bat) eta epaimahaiak aukeratutako beste sei ipuin, liburu eder batean argitaratuko dira, Iñaki Martiarena 'Mattin' marrazkilariaren ilustrazioekin batera.

Sari-banaketa ekitaldia Cristina Eneako Ingurumen Baliabideen Etxean izango da ekainaren 3an, eta bertan, ipuin-kontalari batek lan irabazleak antzeztuko ditu.

Azken edizio honekin ingurumen-ipuin lehiaketak hamar urteko ziklo bati amaiera ematen dio. Orain arteko edizioetan orotara 1.800 ikasle inguruk hartu dute parte eta landutako gaiak izan dira, besteak beste, ura, kutsadura akustikoa, bizikleta edota eskola bidea.

Beste albisteak

Berrien zerrendara itzuli